ارميني في بحرك
اغرق انا حدّه
وابقي عشان الملامة وكلام كتير وحديت
قولي غرق وحده
ارميني ما تخافي
عمري اللي شاخ في انتظارك
مات
حلمي وضيعتيه
سنين وانا حافي
ماشي بدون سكة
اوصل ولا باوصل
وارجع أعيد اللي فات
ارميني وانسيني
يمكن تكون الأخيرة
صورتك في تكويني
أتراح وتكشيرة
يا مصدقة نفسك:
خايفة عليك م التيه
كان ذنبه ايه التعيس أمله
وغربتيه
ارميني في قبري
واوعك تشيلي كفن
ملعون أبوه قلبي
من يوم ما عدى البحور
غرقان ف حب الوطن.
ليست هناك تعليقات:
إرسال تعليق
اكتب