فجأة...
إكتشفت إن أخويا حسام بيعرف يكتب
.
.
لأ ودمه خفيف
هى دمه خفيف دى مش جديدة
فمن شابه أخاه فما ظلم (:
قصدى دمه خفيف فى الكتابة
..
برافو يا حس
:
كانت مفاجأة بالنسبة لى
,,,,,,
- اول مره ف حياتي (يعني يجي من 26 سنه كدا وكام شهر كدا بردو) افكر اني امسك ورقه وقلم واكتب اهدافي ايه ف الحياه (دا طبعا بعد ماسمعت دكتور ابرهيم الفقي بيقول ان نص تحقيق الاهداف هو كتابتها
- الحقيقه فكرت قبل كدا كتير بس دي اول مره فعلا ابدأ اكتب وياريتني ماكتبت..!
- الموضوع ببساطه اني مالقيتش حاجه اكتبها..!
- اتفاجأت(كان نفسي تشوفوني وانا شكلي متفاجأ.. مسخره) ان ماعنديش اهداف وعايش كدا وخلاص
- عصرت دماغي يمين وشمال وتحت وفوق وسامبوكسات ولا الدموع!!
- كل اللي خرج بعد العصير (عصير دماغي طبعا) شوية حاجات تافهه عايز اشتريها وخلص الكلام ع كدا يامعلم..
- بئا معقول يا حس الدين (اللي هو انا يعني بس بدلع نفسي زي ماالواد حمدووز صاحبي بيقوللي ديما) بئا معقول بقيت عامل زي الشحط(احم احم) وماعندكش اي اهداف ف حياتك؟؟
- لا استنى.. استنى ايه؟؟
- استنى ياعم لقيت خلاص هدف ممكن تحطه قدامك واهو يبئا اسمك بردو عندك هدف احسن من مفيش
- و ف نفس وذات الوقت تبئا سديت خانة الاهداف..
- طب ايه هو يا معلم؟
- افتح شركة انت والواد علائينو (صاحبي بردو)..
- طب والله فكره منتازه..
- ايه رأيك يامعلم؟؟
- لا استاااااااز..
- طب مشروع زي دا محتاج منك وقت أد ايه؟
- محتاجله حوالي سنتين
- طب اخلع بئا من قدامي وماشوفش وشك هنا تاني(غير بعد سنتين طبعا)..
- حاضر يامعلم
روعة يا حسام
ردحذفبس كلمة بئا بالقاف مش بالهمزة
ردحذفربنا يكرمك يابشمهندس اكيد طبعا دا شرف كبير ليا انك تنشرلي حاجه زي دي مع انك فضحتني...لول
ردحذفوبالنسبه ل بئا انا قاصد اني اكتبها كدا بما اني بكتب عاميه
حس
ردحذفإنت عارف إنك ممكن تكتب اللى إنت عاوزه
(: