الأحد، 3 يوليو، 2011

ولا عمري

ولا عمري
هقولك يوم أنا كرهتك
لأنك عمري وحياتي
ومين يقدر
ف يوم يستغنى عن عمره
ولا حياته

ولا عمري
هقولك كلمة...
غير إني
بحبك...
حب لو شافو القمر يخجل
ويتحول لحد محاق
وبكتب كلمة العشاق
مع صوتي
بحبك حتى لو كان الهوى
مـــوتي
بحبك
صوت رصاصة حب في دمي
بتصرخ في شراييني
فتقتلني
وتحييني
وتتحول مع دمي لروح واحدة
عشان موجوعة من حبك
بتتحمل تكون شاهدة
تعدي ف بحر أوجاعي
وراضية بخانة الإهمال
ف ركن هناك
لأنك...
حد يستاهل
أســـامحه
وانتظر جرحه
مع الأشواك
لكن عمري
ما اقولك إن انا كرهتك
لأنك عمري وحياتي
ومش هقدر
ف يوم استغنى عن عمري
ولا حياتي

هناك 4 تعليقات:

  1. خاطرة جميلة جدا ومؤثرة أرق التحايا

    ردحذف
  2. كريمة السندي
    (:
    شكرا للإطراء

    نورتي المدونة (:

    ردحذف
  3. هكذا نحن نعيش في صراع دائم داخل أنفسنا .. سلمت أناملك

    ردحذف
  4. أم

    ذلك الصراع أتمنى أن ينتهى وأصل لراحة النفس (:

    سعيد بالمرور

    ردحذف

اكتب