ولا عمري
هقولك يوم أنا كرهتك
لأنك عمري وحياتي
ومين يقدر
ف يوم يستغنى عن عمره
ولا حياته
ولا عمري
هقولك كلمة...
غير إني
بحبك...
حب لو شافو القمر يخجل
ويتحول لحد محاق
وبكتب كلمة العشاق
مع صوتي
بحبك حتى لو كان الهوى
مـــوتي
بحبك
صوت رصاصة حب في دمي
بتصرخ في شراييني
فتقتلني
وتحييني
وتتحول مع دمي لروح واحدة
عشان موجوعة من حبك
بتتحمل تكون شاهدة
تعدي ف بحر أوجاعي
وراضية بخانة الإهمال
ف ركن هناك
لأنك...
حد يستاهل
أســـامحه
وانتظر جرحه
مع الأشواك
لكن عمري
ما اقولك إن انا كرهتك
لأنك عمري وحياتي
ومش هقدر
ف يوم استغنى عن عمري
ولا حياتي
خاطرة جميلة جدا ومؤثرة أرق التحايا
ردحذفكريمة السندي
ردحذف(:
شكرا للإطراء
نورتي المدونة (:
هكذا نحن نعيش في صراع دائم داخل أنفسنا .. سلمت أناملك
ردحذفأم
ردحذفذلك الصراع أتمنى أن ينتهى وأصل لراحة النفس (:
سعيد بالمرور